சேவற்கொடியோன்!
முருகன்அவன் நாமம் சொல்லிப் பாடுவோம் – மனம்
உருகஉருக கந்தன் பாதம் நாடுவோம்!
நீலமயில் மீதில் அவன் ஏறுவான் – நம்
உளம்மகிழ நொடியில் முன்னே தோன்றுவான்!
ஆடிஅவன் வரும் அழகைப் பார்க்கணும் - நாம்
கூடிநின்று அவன் புகழைப் பாடணும்!
தேவியர்கள் இருவருடன் அருளுவான் - நமைத்
தாயெனவே காப்பதிலே மகிழுவான்!
வேலைக் கண்டால் வேதனைகள் ஓடுமே – ஒரு
சோலை போல வாழ்க்கையெல்லாம் ஆகுமே!
நாவற் பழம் தந்தவனை நாடுவோம் – அந்த
சேவற் கொடியோனின் பதம் சேருவோம்!
--கவிநயா
பிகு. படத்தைப் பெரிதுபடுத்தி(க்ளிக்கி)ப் பார்க்கத் தவறாதீர்கள்!
16 comments:
வேதனைகள் தீர வேலவனைப் பாடுங்கள்.
சரி தான் !!
நெஞ்சையுருக்கும் பாடல் இது.
பாகேஸ்வரி தான் சரியாக ராகமாக இருக்கலாம்.
பாடலாமா ?
சுப்பு தாத்தா
http://kandhanaithuthi.blogspot.com
வாங்க சுப்பு தாத்தா. நீங்க இப்படி ஒரு கேள்வி கேட்கலாமா? இப்பல்லாம் உங்களைத்தான் பார்க்க முடியறதில்லை :( அவசியம் பாடுங்கள். கேட்க அவனுடன் நாங்களும் ஆவலுடன் காத்திருக்கோம்!
இரவி இன்னும் இந்தப் பாட்டைப் படிக்கலையா? பாத்தா கொடியோன் இந்த சேவற்கொடியோன்னு பாடுவார்! :-)
சூப்பரு! நல்லா இருக்கு-க்கா! ரொம்ப தான் திமிரு! என்ன டீக்கா உடுப்பு உடுத்திக்கிட்டு நிக்குறான்!:)
எல்லாத்த விட பிடிச்சது, இந்தப் புகைப்படத்தில் நானும் இருக்கேன்!:)
பெருசாக்கிப் பாருங்க! நிற்கும் முருகன் போட்டிருக்கும் ஓம் டாலருக்குள் அதே போலவே நிக்கும் ஒரு குட்டி முருகன்! அதான் நானு:)
//வேலைக் கண்டால் வேதனைகள் ஓடுமே – ஒரு
சோலை போல வாழ்க்கையெல்லாம் ஆகுமே!//
உம்.....பாட்டுல நல்லாத் தான் இருக்கு முருகா
//சேவற் கொடியோனின் பதம் சேருவோம்!//
சிலைவேடச் சேவல்....கொடியோனே! ரொம்பக் கொடியவன்! வாட்டி எடுக்குவான்! அவனுக்கு ஆளாகி விட்டோம்-ன்னு தெரிஞ்ச பிறகு ரொம்பத் தான் பிகு-வா நடத்துவான்! முனுக் முனுக் கோவம் வேற...அத கெஞ்சிக் கொஞ்சிப் போக்கறதுக்குள்ள உசிரு போகும்....
கொடியோனே!
கொடியோனே!
அவனுக்கே என்னை விதி என்ற இம்மாற்றம் நாங்கடவா வண்ணமே நல்கு!
இம்புட்டு நகையும் பூமாலைகளும் போட்டுக்கிட்டு ரொம்ப வேர்க்கும். பாவம்.
பாருங்க...சொன்ன மாதிரி வந்து வைகைப்புயல் மாதிரியே பொலம்புறாரு. சாரி. கொஞ்சுறாரு. :-)
//பாருங்க...சொன்ன மாதிரி வந்து வைகைப்புயல் மாதிரியே பொலம்புறாரு. சாரி. கொஞ்சுறாரு. :-)//
குமரனுக்கு தெரியாமல் இருந்தாதான் ஆச்சர்யம் :)
//பெருசாக்கிப் பாருங்க! நிற்கும் முருகன் போட்டிருக்கும் ஓம் டாலருக்குள் அதே போலவே நிக்கும் ஒரு குட்டி முருகன்! அதான் நானு:)//
அது சரி :)
//உம்.....பாட்டுல நல்லாத் தான் இருக்கு முருகா//
:) என் நினைப்பு போலவே இருக்கு. இது சம்பந்தமா இப்பதான் ஒரு அம்மா பாட்டு எழுதினேன், அது உங்களுக்கு பிடிச்சாலும் பிடிக்கலாம். செவ்வாய்க்கிழமை பாருங்க... :)
//இம்புட்டு நகையும் பூமாலைகளும் போட்டுக்கிட்டு ரொம்ப வேர்க்கும். பாவம்.//
அவன் நம்மை சோதிக்கிற மாதிரி நாமும் அவனைச் சோதிக்க வேண்டாமோ? :)
paattu [subbusir'ssinging]is nice!
wting fr tuesday 'ammaa song'!
பாடலைக் கேட்டு மகிழ்ந்தேன் தாத்தா! மிக்க நன்றி.
வாங்க லலிதாம்மா.
//wting fr tuesday 'ammaa song'!//
:) நன்றிம்மா.
/வேலைக் கண்டால் வேதனைகள் ஓடுமே – ஒரு
சோலை போல வாழ்க்கையெல்லாம் ஆகுமே!
நாவற் பழம் தந்தவனை நாடுவோம் – அந்த
சேவற் கொடியோனின் பதம் சேருவோம்!/
இரசித்தேன்
//இரசித்தேன்//
மகிழ்ச்சி திகழ் :) நன்றி.
Post a Comment