பழனி என்னும் ஊரிலே...

நண்பர் ஒருவரின் மடிக்கணினியில் இருந்து நிறைய பாடல்களை என்னுடைய பென் டிரைவிற்குச் சில வாரங்களுக்கு முன் மாற்றிக்கொண்டு வந்தேன்.
நேற்று இந்தப் பாடலைக் கேட்கும் வாய்ப்பு கிட்டியது. கையில் இருந்த வேலையை அப்படியே வைத்துவிட்டு முழுதும் கேட்டபிறகு வேலையைத் தொடர்ந்தேன்.
சூலமங்கலம் சகோதரிகளின் குரலில் ஒரு அருமையான மெலடி.

பழனி என்னும் ஊரிலே
பழனி என்ற பேரிலே
பவனி வந்தான் தேரிலே
பலனும் தந்தான் நேரிலே - முருகன் 
பலனும் தந்தான் நேரிலே

பழமுதிரும் சோலையிலே
பால்காவடி ஆடி வர

தணிகைமலைத் தென்றலிலே
பன்னீர்க் காவடி ஆடிவர

சாமிமலைக் கோயிலிலே
சக்கரைக் காவடி ஆடிவர

செந்தூரின் வாசலிலே
சந்தனக் காவடி ஆடிவர

குமரன் 
பழனி என்னும் ஊரிலே

பழனி என்ற பேரிலே

பரங்குன்றில் மலையோரம்

சேவற்கொடி ஆடிவர

குன்றக்குடியில் எந்நாளும்

வண்ணமயிலும் ஆடிவர

மயிலத்தின் மலைமேலே

மணியோசை முழங்கிவர

விராலிமலை மேலிருந்து

வீரவேலும் வெற்றிபெற

கந்தன் 
பழனி என்னும் ஊரிலே

பழனி என்ற பேரிலே

பவனி வந்தான் தேரிலே
பலனும் தந்தான் நேரிலே - முருகன் 
பலனும் தந்தான் நேரிலே

அறுபடை வீடுகளும் ஒரே பாடலில் வருகின்றன. மேலும் குன்றக்குடி, மயிலம், விராலிமலைத் தலங்களும்.

பாடல் குறித்து மேலதிகத் தகவல்கள் நான் தேடியவரை இணையத்தில் கிடைக்கவில்லை. யாரேனும் தெரிந்தவர்கள் பகிர்ந்துகொண்டால் தன்யனாவேன்.